Сайхть сявома.
(Моравии «Луганяса келунясь»)
Стирхне паряфнесазь кудатнень.
1. Кудат, куданят! Паряфнетяма коцкаргаса-хватса,
Ащеда фкя лаца.
2. Кудат, куданят! Калдазсонк боран,
Кулхцондода мезе торан.
3. Кудат, куданят! Калдазсонк пазинят,
А куданьке сембе мазынят!
4. Кудат, куданят! Пачанте коса?
А кудаваньке оржа кяль Проса.
5. Кудат, куданят!
А куданьке велень ёню атя Илька.
6. Кудат, куданят! Ули пинень лем Адя,
А куданеньконь ляпе кяльня Надя.
7. Кудат, куданят! Женихсь тяни ов,
А торонь кандысь лама корхтай Фрол.
8. Кудат, куданят! Ляйса веднясь аруня,
А куданьке тевонь кельги Маруня.
9. Кудат, куданят! Женихсь невестати кандсь канфета
А куданьке мазы, равжа шяярь Света.
10. Кудат, куданят! Куду сувафтоме пенгянь поленат
А куданьке мазы Ленат.
11. Кудат, куданят! Сась невестась сявома карета,
А куданеньке ожа Света.
12. Кудат, куданят!
(Смотринавга терттяма)
Дайте гурнек, сивсаськ юрнек,
Дайте боза, ярмак нолдада тоза.
Авакуданясь максы гурнек и боза стирхненди.
Тяряфнемда меле наряжаф рьвянять лихтьсазь цюланцта.
Рьвянясь кудста лихтемстонза аварьфни:
Ой, аляняй-тряйнязе!
Ой, тядяняй-ужяльдиняй!
Кали афкукс паньцамасть?
Ой, аляняй-азорняй!
Ой, тядяняй-ваймоняй!
Атянь кудста лисемась
Вишке урмань кондяма,
Тядяда-аляда явомась
Кулома частонь кондяма,
Вихца рьвакс молемась—
Эрек калму мадомась.
Цёрась стирть матхта прайхть плманжа лангс стирть тядянзон-алянзон утору, синь бславасазь.
Рьвянясь прощай шачема вастонц мархта.
Прощай, кудазораваняй,
Вяри касфтыняй!
Моразь ащесь кургонязе,
Кштизне якасть пильгоняне.
Прощай шачема вастоняй.
Тядяц стирть бславасы:
Эряк-ащек, стирняй, шумбраняста.
Сяда меле кши-сал мархта васьфтсазь цёрать и стирть цёрань кудса.
Мзярда усксазь рьвянять мирдень куду и ушеды свадьбась сяви кудса, авозсь морай:
Кшит пенень—удаласть,
Боза путонь—удалась,
Рьвяня сявонь—удалась.
А мес Аким весялгодсь?
А мес Аким эжелгодсь?
Шачсь вастонь ацаец,
Шачсь прялонь путыец,Эрзянь Полюнясь.
Шачсь корхтай ялганяц.
Морави морось «Эрзянь Полюнясь».
Меле—мокшень кштимась.