Аф ваномок стирть мяленц лангс, сонь симсазь.
Стирть алянза-тядянза морайхть:
Макса эряма-ащема,
Вачашинь аф няема.
Розыяза-розыяза
Кельговаст эсь фкя-фкасна.
Ладявост мяльсна-разумсна,
Шачест идьсна-дякасна,
Улеза калдаз пяшксе жуватасна,
Утом пяшксе сёросна.
Сяда меле авакудась кази рьвяняти руця, пилькст, суркс, щафтомста морай:
Эрька ватте, стирнязе,
Ожу касте иднязе.
Вага казян руцяня
Ульхть тон смюзюня
Пилезт путан сырнянь пилькст
Кулхцондыня ульхтяка
Сурозт щафтан сырнянь суркс
Кядь виня ульхтяка.
Сяльде казихть казнят стирть ялганза авакудати.
Кудава, аваня,
Парьхцинь руцяня минь кастяма,
Озафтка сединяцень,
Теждяста таргак ваймоняцень.
Атякудати морайхть:
Атякуда, сватоньке
Кудавакай, корьмакай!
Пеняцяма тяза уль
Сяда оцю казненкса.
Тяфтаконга ялганьке илять ламос ащекшнесь.
Казнят казихть крестнай тядяти,
Торонь кандыти.
Тяфта 1тай ладямась