Ладямдонза меле стирсь ушеды свадьбазонза аноклама—сермады-тии казнет ялганзон мархта. Тейнза лездыхть стирть ялганза. Илять-илять сёрмадомста, стирсь ушеды аварьфнема—аварьфнесы стирькс шинц мархта явоманц.
   (Ялганза морайхть мора) («Роман Аксясь»)
Лиси пирьфи, арай шинь стяма шири и аварьфни:
Алязень юрхтонь кирдиец,
Алязень юрхтаваняц,
Тязт эводь шумнядон,
монь юмама вайгяльдон:
Тяфта аф тонь эвфнете,
Тяфта аф тонь явсете -
Эсь серезень ольксеса,
Живста прязень ольксеса.
Моли эшити, колмоксть шары перьфканза, эрь шаромстонза сюконяй и аварфни:
Лисьмань кирди, ведява,
Лисьмань кирди, мазыня!
Тята эводь шумнядон,
Серь юмама вайгяльдон:
Тяфта аф тонь эвфнете,
Аф вастс тонь аф кадонтте—
Эсь серезень ольксеса,
Живста прязень ольксеса.
Сяда инголе эрямста,
Стирькс пингозень печфтемста,
Илять поздна сашендонь,
Вестенге ашень сашенда
Пиже вайгяльхть авардень,
Кафта киге кольгондень,
Пидезь ащесь кургозе.
Сяда инголе эрямста,
Стирькс пингозень печфтемста,
Китизне якасть пильгоне,
Пеедезь ащесь кургозе.
       Зарянь стяма ланга срхкай куду. Шарфты заряти шама пяльде:
Зарясь уфась толозонк,
Сялгсь кувака шявозонк,
Уськокс таргась кулувонзон.
Масторть келес валдоц тусь,
Минельть келес гайфоц тусь.
Аньцек алязень пирьф кучкав
Ашезь тока заря валдсь,
Ашезь пачкодь заря гайфсь:
Мон алязень пирьфсонза
Сембода сюдоф ломанць
 Живста серезень ольксеса,
Живста прязень ольксеса.
      Тяда меле эняльдивелеряйнзонды:
Велень атят, атянат,
Велень бабат, бабанят,
Велень алят, алянят,
Велень ават, рьвянят!
Пади, кие токади
Танцти пара удомста,
пади, кие токади
Апак удок ащемста,
Ся марясы шумозень,
Скрь юмама вайгялезень;
Кие кальдявозень няйсь, кие кальдяв валнень кульсь,
Мярьгоза ся кенярдень:
- Вастоняце Алдуня!
Живста ольксек серецень;
живста явсек пеняцень:
Кие кальдявозень изь няй,
Кальдяв валозень изь куль,
Мярьгода ужяльдемга:
 - Ох-ай, сюдов Алдуня!
Живста олькси серенянц,
Явсесы юмаманянц
      Сяльде сувай куду арай кенкш лангс. Кудса сембе ни сргозсть, а тиихть удыкс, а сон аф няикс, аварьфни:
Ох, аляняй-тряйняй!
Ох, тядяняй-ваныняй!
Мезень удома сяводязь?
Мезень ваймаам мудязь?
Кенярдеде тяшкава
монь юмама шинязти.
Вай, аляняй-тряйняй!
Вай,  тядяняй-ваныняй!
Удок, аляняй, удок,
Удок, тядяняй, удок!
Лажносеть, аляй, лажносеть,
Пичетькшнеть, аляй, пичетькшнеть:
Аф шяняды кивице, аф шяняды,
Аф ётай сереце, аф 1тай.
Тяни маштсь мяляфксце,
Тяни маштсь тонь пичефксце—
Аф шяняды кивице шянядсь,
Аф ётай сереце ётась.
Тяни, аляй-азорняй,
 Кивида пяк шянядай,
Середонга пяк ётай, ивай-ихи-хи.
Ох, аляняй-азорняй,
Ох, аляняй-тряйнязят!
Мес эздодон нильгодеть?
Мес, аляй, юмафтсамак?
Али кудце ёмблалгодсь,
Али кишце ашезь щац?
Ох, тядяняй-ваныняй,
Тядяняй-ужяльдиняй!
Маштоть трямон-касфтомон—
Тялонь шитнень самоста
Пархци потмоса касфтомайть,
Кизонь шитнень самоста
Сорга потмоса кирнемайть.
Монь трямостон-касфтомстон
Ашеть сода удома,
Ашеть сода ваймама.
Ох, тядяняй-аваняй
Ашеть машта ваномон:
шары томбас ёрдамайть
Али аф токсихть пильгоне,
Вяри аф сатныхть кядняне