Оцю васта мокшень свадьбатнень эса занци шяярень явфтомась. Свадьбань шить инголеаватне наряжасазь рьвянять, явфтсазь шяяренц, морайхть:
Мазы дугай, Алдуня!
Сазорняньке Алдуня!
Ну-ка, сазорняй, явоштсаськ
Ронгонь пети пулоняцень,
Постуф локша шяярняцень.
Стирти ужяль явфтомс-коламс стирькс канневи шяяренц, аварьфни:
Вай, аф макса, аф макса
Ронгонь пети шяярезень.
Аватне понасазь шяяренц кафтува, фкясь аварьфни:
Алдунязе, сазорнязе
Ванка, кода туй стирксшиняце,
Ванка, кода шави прянянц сон,
Кода вачкиясыне кяднянзон,
Кода пуряй кели сурнянзон.
Ванка, куване туй стирксшиняце,
Кати туй перень фталгане,
Кати крхка панда крайганя,
Кати пиди палакс алганя,
Кати кели ульцянь кувалмоня.
Ялганяй, кондяняй
Стирькс шинясь—
Бодра лишмонясь,
Стирькс шинясь—
Садса морсы цёфкскясь
Авакс шинясь—
Пинекс шинясь,
Кенкш вельхксса
Розгав плетканясь
Туят молема вишкста
Мярьгихть, енцта лиссь.
Молят валомне
Мярьгихть, нолгады.
Шяярень явштомада стирсь кази лентат.